ألوهم راكب حصان بقلم مصطفى سبتة

ألوهم راكب حصان
بقلم مصطفى سبتة
احلامنا سوى كدابه
ليالي الهوى كدابه
ساعات اللقى كدابه
كفايه بقى كدابه
احلامنا كانت شيطان
عايش بين اربع حيطان
اتريني بضحك عليا
علطول مغمض عنيا
والوهم راكب حصان
ملكيش حبايب مليش
احساسنا لازم يعيش
على طول ردودك قويه
على طول بريئه وضحيه
ماقدرتش ماحسكيش
كانو لمسة الادين كدابه
ودمعة العنين كدابه
ولحظة الحنين كدابه
يعني احنا ذكريات كدابه
قصه وحكايات كدابه
وكل يقول حاجات كدابه
احلامنا كانت ستار كان
حبي ليكي انتحار
كان قلبي حاسس وشاعر
شاكك في كل المشاعر
قولت لازم اخد قرار
قلبي اللي اعمى وغريق
قلبي اللي ضل الطريق
فتح في اخر دقيقه
فتح وشاف الحقيقه
اسف ملاكي البرئ
ملقتش غير وعود كدابه
شوك في الورود كدابه
صرخه في الردود كدابه
ملقتش غير كيان كداب
حتى في الحنان كدابه
ونا ابكي ليه عشان كدابه
اسف لاني الاسير رافض
معاكي المصير
كان قربي منك خطيه
كان نقطه سوده في ماضيه
دخان ولازم يطير
اسف قتلت الوعيد
قربت بكره لبعيد
كل الاماني الخسيسه
عاشت وماتت رخيصه
انا حبقى واحد جديد
كفيانا امنيات كدابه
كفايه اغنيات كدابه
جرح ونهايات كدابه
انا وانت كنا ناس كدابه
زرعه من اساس كدابه
ميه جوه كاس كدابه
احلامنا سوى كدابه
ليالي الهوى كدابه
ساعات اللقى كدابه
كفايه بقى كدابه
عاشقتك حتى الموت
ميثاق بحبك مووووت