إذا أردنا أن نطلق أسطورة فهذا لقب عثمان احمد عثمان

كتب احمد الغمري
ربما نسمع وتقرا كلمة أسطورة ويتم إطلاقها علي لاعب كرة أو ممثل ولكن اعترض انا بشدة فاللقب محجوز ياسادة الي شخصية عظيمة بالفعل ألي المهندس  عثمان  محمد عثمان فقد 
- دخل كلية الهندسة بشهادة فقر لأن مش معاه فلوس يدفع المصاريف ( 40 جنيه )
- كان بياخد المسافة من الجيزة للكلية مشي كل يوم لأن مش معاه يركب مواصلات
- بالعافية اخته وفرتله 120 قرش عشان يدفع اشتراك الترماي 3 شهور بدل ما يمشي .. قام بدل ما يدفع 3 شهور راح اشتري عجلة مستعملة ب 60 قرش كفته ال 5 سنين بتوع الكلية وفي التخرج اداها هدية للفراش بتاع الكلية
- النهاردة عثمان احمد عثمان صاحب أكبر شركة مقاولات في العالم العربي وافريقيا وخامس أكبر شركة في العالم وشركته مصنفة في عدة تصنيفات دولية
- عثمان احمد عثمان مسك وزير مرتين في عهد السادات .. مرة وزير التعمير ومرة وزير الاسكان
- عثمان احمد عثمان بني اكتر من 150 شركة خلال فتراته في الوزارة
- عثمان احمد عثمان مسك نقيب المهندسين ولما مسك النقابة حولها من مؤسسة تعتمد على دعم الدولة الي مؤسسة ربحية وأنشأت عدة مشاريع كبيرة
- المقاولين العرب شاركت في العطاء بتاع السد العالي في الوقت اللي اجتمعت فيه كل شركات المقاولات الاخري في طرف تاني ضد عثمان احمد عثمان ويوم فتح المظاريف كانت قيمة عطاء الشركات 27 مليون جنيه وقيمة عطاء عثمان احمد عثمان 15 مليون بس !!
وبالفعل هو اللي انشأ السد العالي
- المقاولين العرب مات منها 500 عامل في حروب الاستنزاف وهم بينشئوا قواعد للصواريخ المصرية لأنهم كانوا شغالين والقنابل بتنزل فوقيهم وكملوا بناء بعض القواعد اللي اتهدمت 5 مرات من القنابل
- المقاولين العرب النهاردة ليها فروع في أكتر من 24 دولة في العالم
قصه نجاح عظيمة محتاج الجيل الجديد يعرف مين هو  الأسطٌورة.