إلا الروتين إلا الروتين

بقلم مصطفى سبتة
يلا بينا نكسر الروتين
وندهن سير المصلحه
ونأسس الاساس متين
وكمان بلاش الرحرحه
يلا بينا نكسر الروتين
نكسر الروتين ونحاسب
من رشاوي ..المرتشين
م اللي كاتب واللي ناسب
واللي صاحب م ادري مين
م اللي ضيع حق ناس
ل اجل يهبر هبرتين
يلا بينا اكسر الروتين
نكسر الروتين ونراجع
شريط حياتك كلها
المطامع والفواجع
والمسامع سدها
واسمع الصوت اللي راجع
توب ..ذنوبك هدها
يلا بينا اكسر الروتين
نكسر الروتين ونفوق
قبل الزمان م يفوقك
يلا اكسر الف طوق
م الكسل دا ال طوقك
جد واعرق واعلي فوق
الكسل هيطلقك
يلا بينا نكسر الروتين
نكسر الروتين ف بيوتنا
فك تكشيرتك وزيط
وانت بين اهلك ياريتك
نسمه دافيه فاتحه بيت
انت قائد وانت رائد
وانت جامد م اشتكيت
يلا بينا نكسر الروتين
نكسر الروتين ونجدد
العقيده والايمان
وال طريق الجنه حدد
وادعي ربك بالحنان
للخطي يارب سدد
يبقي ليك فيها مكان
يلا بينانكسر الروتين
واسس الاساس متين