( ابويا )

كلمة شكراً يابويا ما تكفي
مهما شكرتك بيعجز لساني
الأمان دايماً معاك
والسعاده بلقاها ف رضاك
الاصول  علمتهالنا
والرجولة  ما فى   سواك

ابويا ده ضهر  وسند
مهما اقول عنه قليل
ولما احب اكتب عنه
قلمي فى حبه يسيل
كنت دايماً  مسنود  عليك
وفى وجودك حياتى سهله
ولما رحت منى يابا
اتهد عندى كل كونى

ابويا ضلي ف عز شمسي
بيحاوطني وبايديه 
بيشيل  عني  همى
حتى صوته لما  يزعل
كنت بحس فيه بحنانه
والحنان  كل  الحنان
لما أيده تطبطب عليا
ويمسح دمعي ف عز حزني 
ويحاكيني

ابويا ده اصل الحكايه
الرجوله  والأمان
الاصول عز وهيبه
وف وقت ماكان أحياناً شديد
مليان قلبه حب وطيبه

    ابو رامى الاسوانى
      5/2/2022