الـمـطبخ تقدمـه "صابرين متولي": الكشري المصري..من مطبخ جهاد فتحى" اكلات شهيه "

المقادير /
١/٢ كوب عدس اسمر
كوب رز 
كوب مكرونه صغيره على اسباجتى مكسره صغير
١/٢ كوب شعريه
بصل شرائح ، توم مفروم
عصير طماطم ، صلصه
خل
ملح ، كمون ، كزبره ناشفه ، بهار مشكل ، لورا مطحون ، سكر ، ببريكا ، شطه
ينقع العدس قبل بليله فى الماء او ساعتين فى ماء ساخن
يحمر البصل فى ١/٢ كوب زيت تحمير مثل البطاطس مش تشويح
يصفي البصل ويترك جانبا وناخد الزيت هيستعمل فى باقى الوصفه
تسلق المكرونة فى ماء وملح لمده ١٢ دقيقه وتشطف بماء بارد وتقلب مع ٢ معلقه من زيت البصل وتغطي
الصلصه
نشوح توم فى ٣ معالق من زيت البصل حتى ياخد لون خفيف ونضع عليه الصلصه ثم عصير الطماطم ومعلقه كبيره خل ومعلقه كبيره من البصل المحمر والبهارات ملح ، كمون ، كزبره ناشفه ، بهار مشكل ، لورا مطحون ، سكر وتترك على نار هاديه حتى تتسبك
الصلصه الحاره
ناخد كميه من الصلصه وتقلب مع الشطه و الببريكا
او لو متوافر فلفل احمر حراق مفروم او معجون شطه او شطه مجروشه تشوح مع معلقه من زيت البصل ونضع عليها كميه الصلصه المطلوبه ونتركها تاخد غلوه
نصفى العدس من ماء النقع ويغسل جيدا ويوضع على النار مع فصين توم مفروم ومعلقه كبيره من البصل المحمر ومعلقه صغيره من الملح و١/٤ معلقه صغيره كمون و٣ معالق من زيت البصل و٢ كوب ماء بارد ويوضع على النار حتى تبدأ الميه فى الغليان ونهدى النار لمده ٥ : ١٠ دقائق او حتى نحس ان العدس استوى ٣/٤ سوا ثم نضع الأرز المغسول ونقلب ونتركه على نار متوسطه حتى يشرب الماء ثم نهدى النار ونتركه حتى تمام السواء
الشعريه 
نحمر الشعريه فى زيت البصل ونضع عليها رشه ملح وماء ساخن ونتركها تستوى مثل الأرز 
أضافه اخرى حُمُّص الشام مسلوق أنا مكنش عندى هو حُمُّص يسلق مع ماء وملح حتى تمام السواء ثم يصفا ويقلب مع عصره ليمون ورشه كمون

دقه الكشري زي الجاهزه بالظبط 
الدقه
١/٤ كوب خل ، معلقه كبيره ماء، ٢ فص توم مفروم ، ملح ، سكر يقلبو مع بعض على البارد ويوضع على النار ياخد غلوه ثم يترك ليبرد ونضع عصره ليمون وكمون وببريكا