الـمـطبخ تقدمـه "صابرين متولي": الى عشاق السينابون من مطبخ شيرين عمر

عملتلكم  تورته السينابون  تحفففففه
طريقه هتعجبكم اوي ان شاءلله 
المقادير : 
2معلقه خميرة ، 2 ملعقه سكر ، كوب ماء دافئ ، كوبين دقيق ، معلقتين زبدة ذائبه ، ذرة ملح وممكن نحتاج دقيق زيادة ، بيضه ، ملعقه لبن بودرة ، كوب كريمه لباني.
مقادير وطريقه صوص الكريم تشيز : 
كوب سكر بودرة ، كوب لبن بودر ، معلقتين زبدة ، اربع قطع جبنه كريمي او كيري 
نضع السكر مع اللبن البودر وربع كوب ماء دافئ علي نار هادية ونقلب لحد ما يختلط كويس نطفي ونضع فانيليا ، في بوله تانية نضع الزبدة مع الجبنه ونخلطهم ونضيفهم علي الخليط السابق 
طريقه السينابون : 
نضع الخميرة مع السكر والماء ونخلطهم ثم نضع كوب الا ربع دقيق ونخلطهم كويس ونسبهم يخمروا خمس دقايق وبعدين نضيف عليهم الزبدة الذائبه و بيضه وفانيليا ونخلط ثم نضيف الدقيق شوية شويه معاه اللبن البودرة لحد ما العجينه تلم معاكي ونغطيها ونتركها تخمر حوالي ساعه 
وبعدين ترشي دقيق علي الرخامة وتفردي العجينة مستطيل وتساوي الاطراف وتفردي عليها زبدة بدرجة حرارة الغرفة وترشي سكربني لو معندكيش هاتي كوب سكر حطي عليه معلقه عسل اسود واخلطيهم كيس هتلاقي سكر بني لو مش عندك استخدمي سكر عادي  وقرفة وتلفي رول كما هو موضح في الصور وتقطعيها ترنشات بخيط افضل من السكين  وتضعيها في صينيه  مدهونة زيت خفيف او علي ورق زبدة بعيد عن بعض وتتركيها تخمر عشر دقايق تاني وتدخليها فرن مسبق التسخين متوسط الحرارة ولما تلاقيها هتبتدي تورد شويه طلعي الصينيه ووزعي فوقهم حوالي كوب كريمه لباني  ودخلي الصيتية تاني  حوالي عشر دقايق تاني  واول ما تطلع تحطي عليها صوص الكريم تشيز وتوزعيه كويس  وممكن تحطي كمان صوص الكراميل او صوص شكولاتة زي ما تحبي  ..وممكن تحطي مكسرات ..وبالف هنا ..