الـمـطبخ تقدمـه "صابرين متولي": المجبوس البحريني وشوربة كوسة وبروكلي بالكريمة من "مطبخ رقيه ايمن"

اولا المجبوس البحريني:-

نص كيلو ارز بسمتي، فرخه مقطعه ٨ قطع، كاري، كركم، ليمون ناشف، حبهان، قرنفل، قرفة خشب، بهارات فراخ، بصل شرايح، فلفل حامي، فلفل الوان، بشر طماطم، معلقة صلصة، ٢ فص توم مفروم.

أولا نتبل الفراخ، ملح وفلفل وكاري وكركم، ونجيب حلة كبيرة نضع فيها شوية زيت وذبدة، ونشوح الفراخ وبعد ماتتشوح نشيلها من الحلة، ونضع مكانها البصلة الشرايح والتوم المفروم، ونشوحهم ونضع كل التوابل والبهارت والليمون الناشف والقرفة، وبشر الطماطم، والفلفل الحامي، ومعلقة الصلصة، وملح وفلفل، ونقلبهم، وننزل فيهم الفراخ، ونزود مية نغطي بيها الفراخ، ونسيبها على النار حوالي ٢٠ دقيقة، وبعد كدة ننزل بالارز المنقوع ومصفى، ونقلبهم ونتركه حتى يستوي ونقدمه.

شوربة الكوسة والبروكلي:-

أولا نقطع بصلة وفصين توم، ونشوحهم في ذبدة اوسمن، ونقطع ٢ كوسة ونشوحهم مع بعض، وننزل بالشوربة وملح وفلفل، ونتركها تستوي وبعد ماتستوي، نضربها في الخلاط ونرجعها تاني على النار، ونكون سلقنا البروكلي وقطعناه، ونضعه عليها ١٠ دقايق، وبعد كده نضع عليها كوب كريمة لباني، أو كوب لبن مع ملعقة دقيق وتغلي ونقدمها و بالهنا والشفا.