انا ام اولي بالوصاية علي ولادي

بقلم أميرة همام المحامية 

انا ام حملت وخلفت ورضعت وسهرت .
انا ام بغسل وبطبخ وبذاكر وبودي النادي والمدرسة والدروس .
 ولما بنفصل عن ابو ولادي بشيل كل دة  وكمان بشتغل عشان اصرف عليهم لو ابوهم طلع مش قد المسؤلية .
 ولو ابو ولادي مات وفقير ولم يترك شي بشتغل عشان اصرف علي ولادي . مفيش قانون بيفرض علي عم او جد او اي قريب راجل يساعدني اصرف علي ولادي او اكلهم او ادخلهم مدارس او البسهم  لما بترمل  او بنفصل عن ابو ولادي مفيش راجل بيظهر ويسندني لا جد ولا عم ولا خال  .
لكن لو ابو عيالي مات وكان غني ومعة فلوس وفي ورث يظهر الرجالة .
عشان يتحكموا فينا .
 الجد هو الوصي بعد وفاة الأب ولو الجد متوفي وانا كامراة اتزوجت الوصايا تكون لعم ولادي .
ويتحكموا في الفلوس وانا اتزل ليهم عشان اصرف علي ولادي .
لما انتم شايفين اني كاامراة ناقصة الأهلية بتسيبوا عليا كل دة لية وتظهروا بس لما يكون في فلوس .
محتاجين قانون منصف 
الام من حقها تكون وصي علي أولادها.
الام الاولي بالوصايا .