{انطريني راجع عالدار}

كتب هذه الكلمات

[علي بدر سليمان]

بعنوان:

بأيدا عزفت عالناي

غنيتلا أجمل غناي

قالتلي أيدك ياعمري

أنا وأنت نجمة مضواي

تحميها دخلك ياربي

عمري هيي حبيبة قلبي

بدي تكون رفيقة دربي

وأنا إلها آخر الحكاي

بعرف شو صاير بقلبا

هيي دوما عم تتخبا

لمن بسألها شو القصة

بتجاوب والغصة بقلبا

يمكن هيي عم تتألم

مابدها تحكي وتتكلم

يوم اللي قلتلا مسافر

حزنت مابدا استسلم

شو بساوي دخلك ياربي

مابدي اتركها بغربة

وظروفي الحقيقة صعبة

وانا بدي سلمها الراي

بالغربة نحنا زوار

والزمن والله دوار

لكن خليني اتغرب

يمكن أرجع عمر دار

وحياتك والله محتار

انطريني راجع عالدار

سلامي إلك ياحبيبي

أنت بقلبي ليل نهار

أنت بقلبي ليل نهار