اوقات كتير بتتوجع

بقلم مصطفى سبتة
أوقات كتير ياقلبي بتتوجع
ومحدش ياقلبي بيحس بيك
اوقات كتير ياقلبي بتكون مش
قادر حتي تقول انك تعبان
بس دا بيظهر علي ملامحك
بيكون لونك مطفي ووشك بهتان
وضحكتك ملهاش طعم جواك
بتتقطع وحاسس ان جواك بركان
بتحس انك خلاص مبقتش تنفع
لاي حاجه ولا تقدر تعمل اي حاجه
نفسك في حاجات كتير اوي ومش
عارف تعمل اي حاجه منها حاسس
انك مشروخ متعور من جوه
حاسس ان كل طاقتك خلصت
وصبرك نفذ ومبقاش ليك حمل
ولا مجهود لاي حاجه نفسك
حد يحضنك. يطبطب عليك
يقولك انا جمبك متخفش مش
هسيبك يطمنك في صراع جواك
انك عايز تمشي وتسيب كل حاجه
وبين. ان في ناس كتير مسؤله
منك ومتعرفش تبقي غير بوجودك
الدنيا كلها فوق دماغك غريق مش
لاقي. حتي الاشايه اللي تنقذه
تايه في ملكوت ربنا مش لاقي
ملچأ حزين ومكسور نفسك تعيط
تصوت وحتي ده مش. نافع
الدموع مخنوقه جواك وصوتك
كمان تعب منك ومش عارف
ولا عايز حتي يطلع الاحساس
ده بشع اووي وبيوجع اوي
وبرغم كل ده بتكمل وبتعافر
وبتعيش او بتتعايش لان الحياه
لازم تمشي وانت لازم تتأقلم