بحبـــك و إنتي متضــــــــــــــايقه..للشاعر العقيد محمد هيكل

بحبـــك
و إنتي متضــــــــــــــايقه
ومـش طايقــــــه الكـــلام مـع حــد
بحبـــك و إنتي مخنـــوقه
و صـــــوتـك ف الكـــــــــلام يـحْـتَـدْ

بحبــك و انتي سهــرانه
و احبــك و إنتي حيــرانه
واحبــك وإنتي غيـــــرانه عليّـا بـجـد
.
بحبــــك
و إنتي ندمـــــــــانه على الإخــلاص
و احبــك
و إنتي زعـــــــــلانه .. كده و خلاص
أحبك
و إنتي مش باقيـــــــــه على خـاين
وأحبــك
وإنتي مش فــــارق معــاكي الناس
.
بحبـــك ناسيــه لـ الذكـــــرى
و احبــك خايفــــه من بكـــره .. و م المجهول
بحبــــك جــامــده و قــــويـّـه
و احبـــك و إنتـي عِـنـَــــديّـه .. و قــد القــول
بحبـــك وإنتـي مش هـــاديه
و احبـك و إنتي مش راضيـه .. ب أى حُلـُــول
.
بحـبـــــك و إنـتــي حــــد بسيــــــط
و احبــــــك و إنتــي حـــد حــــــويط
بـحـبـــك و إنـتـــي .... خـجـــــــلانه
و بـتـقـــولي الكــلام .... تـنـقـيــــط
بحبـــك ...... وَحْـــدَه كـســـــــلانـه
و احبـــك و إنتـي قـلــب نـشـيـــــط
بـحبـــــك و إنتـي ..... عَـصَـبـيـّـــــه
و عـايــــــزه كل حـاجـــه تـشـيــــط
و احبــــك و إنتــي .... سَـطْـحـيـّــه
و احبـــك و إنـتــي بـحــــر غـــويــط
.
بحبــــك و إنتـي مغـــــــروره
و نـقــش الـحِـنّـــه على تــــوبـــك
و احبــك و إنتـي مكســـوره
عشـان كتــرت قــــوي ذنـــــوبـــك
ب أى طريقــــه أو صــــــوره
أنـا عـاشــــق .... لـ إســــــلـوبــك
مـن الآخـــر .. كـده يـعـنـي
بـحـبــــك .. إنتـي .. و عيــــــوبــك