يحكي ان ف ذات نهار
انه تعلب قادها نار
قام ف عز الضهر ناطط
زي قط اصطادله فار
راح معدي ضفة تانية
و النابلم ف وسط مية
اصله قائد مية مية
وكان علينا برضو تار
يحكي ان ف ذات نهار
يحكي ان. اسمه انور
كان ملعلع كان منور
قول فتح ف بيتنا منور
هل منه ضوء نهار
يحكي ان ف ذات نهار
الصهاينة في عز عيدها
قام فاجئها وقام صايدها
وقام راقعها فوق خدودها
كام قلم علي كام عيار
يحكي ان ف ذات نهار
خط بارليفهم دا كدبة
كان في ايدنا زي لعبة
كات جنودهم احلي وجبة
طال صيامي وجه فطار
يحكي ان ف ذات نهار
يحكي ان طلعلي ريشي
من ولادي عملت جيشي
أه يا مصر يامة عيشي
واجني دايما ف انتصار
يحكي ان ف ذات نهار
إضافة تعليق جديد