تعبت من الجراح  * والدموع مش مفارقاني كلمات الشاعرة ام هاشم العيسوى 

متابعة: ممدوح السنبسي 

تعبت من الجراح 
والدموع مش مفارقاني
امته القلب هيطلق السراح
وامته هعيش حر من تاني

يا همومي لو مستكتره عليا الفرح
قوليلي ايه يرضيكي 
انا بقيت مصاحب الجرح
حلي عني الله يخليكي

في وجعي تايه 
ولا لاقي طريق 
اعدي منه لبر امان
تعبت من التجديف واسمي ع يمينه هيكون غريق

لو ليكي معايا حساب
تعالي نصفيه جايز ارتاح
وموافق ع حكمك لو عذاب
وساعه اهون من سنين ذل وجراح

مع الكل بصافي نيتي
وجزاتي كنت بسهوله بتباع
بتعاقبيني ليه ع حنيتي
وانا جوايا قايده نار الصراع

بقيت بحس بالضعف والكسره
وعنيا حدودها قريبه
واعمل ايه وانا كلي حسره
وتعبت اهتف وانادي في بلاد عني غريبه

كلماتي/ام هاشم العيسوي