حبيبتي إنتي فينك بقلم مصطفى سبتة

ياللي رست مركبي
ف شطوط عيونك
فينك انتي وفين أماني
كات هي دروبي وداري
وحرفتي وفكري وأماني
ياللي بيها ولأجلهاوبحبها
أنا عشت حياتي وعمري
عصفور بيبدر زقزقة
ف غطان أغاني إمتى تاني
هايعود زمان الزقزقة
وتعود حمايم حبنا
تملا البناني الدنيا
حبيبتي إمتى تجري
بمركبي أمواج حنانك
ياللي علمتي البلابل
إزاي بتبقى الفضفضة
لما تعاند الغيوم
وازاي بتسبح ف الفضا
وقاصدة تلضم النجوم
بالحيلة كان أو بالرضا
عقدين عشانك
حبيبتي إنتي فينك
مرت شهور مرت سنة
مرت سنين وسنين
لاشاب فؤادي ولا انحنى
ولا دق تاني لأي مين
وحتى لو فكرت انا
منين هاجيب فؤاد
يجيب لو أمره
إنه يخلي قبلته
تجحد أدانك
حبيبتي إنتي فينك
ياأرق م النور والندى
والحسن لما يكون حزين
واما النسيم بيفوت ضحى
يبوس خدود الياسمين
وفراشة تجري وتحضنه
وبين دراعه تستكين
أشكيه لمين يانور العين
زمن بتكمل فرحته
لما يشوف نبتة ألم
طالعة ف صحاري المشتاقين
يابحور حنين وعشق الانين
بس احدفي لي طوق نجاتك
حبيبتي إنتي فينك
ذكرياتك لسه باقية هي هي
لسه بتدغدغ عواطفي
بالغرور والنرجسية يابهية
ولسه بيحبك ياسين
أنا مستعين بسم الذي
أنزل تبارك والضحى وطه ويس
على كل مين عليَّ بالأحزان دعا
أو قال آمين إنتي فينك
حبيبتي فين ذكرياتك
نرجساية حافظة روحها
م الغواية قاعدة تتنسم هوايا
جوا تكعيبة عنب ومن الأدب
فاكرة تتهجى أياتك
ياحبيبتي فين ذكرياتك
واقفة تتعايق ف شُرفي
ساكنة غُرفي
مرسومالي ف مراياتي
والتقيها جوا كتبي
عاكسة نورها ف كتاباتي
بارية عتبي
بتشاركني ف غياراتي
وحكاياتي شايفة سامعة
قايدة شمعة ف ليل حياتي
ف بلكوناتي زارعة زرعة
شاربة من سلسال عواطفي
طارحة نوار مفرداتك
إنتي كيفك عاملة إيه
القدر قدر فراقنا
والقضا صدق عليه
لاكان بإيدي إن ارفضه
ولاكان بإيدك ترفضيه
شاف الزمان الحب بينا
استكتره استنكره
وحب إنه بسطوته
يقضي عليه عملت إيه
عشان تعاندني الحياة
ومااعيش عمري وانتِ عمري
لو بأمري كنت اجيب لك م السما
قمرين وأنوار نجومها
ومن زهور الأرض قطفة
ومن كرومها
ومن رياح الشرق قبضة
ومن حسومها
ومن طوبة علي طوبة
ومن بئونة ومن أذار
وابني بيهم ليكي دار
وابقى بالأشواق فارشها
وتبقى هي لرحلتي ورحلي المدار
يانبتة الصبر اللي كانت
واقفة تتحدى البوار
لو بإيدي أو بإيدك
لو بأمري أو بأمرك لو تمني
كنا هانعيش الحياة
كات طيور الحب تنعيها عشوشها
كات ورود الحب تدبل
ويبقى لونها وعطرها هما نعوشها
كات رياح الهجر هدت دنيتي
دكت عروشها
كنت سمعت نذير الحزن
ف صوت أيامي
واشوف أحلامي غيري عايشها
ولا كنت اقاسي واقول فينك
ذكرياتك ذكرياتي ذكرياتنا
فعل ماضي بالتراضي
خليناه رمز ف حياتنا
وردة على قبر الغرام
وانا ع القبر شاهد
باستمع وافهم واشاهد
وانفعل واكتب مشاهد