حبيتك

بقلم المستشاره/ هايدي أشرف 

خلاص بقولها وأنا كلي أمل وحياه
بقول للعالم بإني حبيتك
وإن صبري لما كان بيطول
كانت نهايته جبران لقلبي
وكأنك دعوتي الثابته في كل صلاه
بإن ربنا يعوضني
جيت ومجيتك ليا كانت يوم ميلادي
عمر تاني ابتدا
لحظة ما شوفت عينيك
حياه وعمر تاني
وإيدي ماسكه إيديك
جيت ورويتلي أرضي البور
كنت لي كالنور
هديت بإيدك السور
اللي سجنّي سنين في الخوف
وكأني كنت حد كفيف
ومعاك بدأت أشوف
عمري ما حبيت أغاني الست وحليم
والله عمري ما حبيت
بس حبيتهم لما حبيتك
واحده زيي قافله 100 ترباس
صعب تضعف أو تميل
صعب تتاخد وتعشق
بس بقولها بعلو صوتي بإني بعشق
إزاي قدرت بحبك
تخليني أكونلك أم
ومن ثم حبيبه وأخت وصاحبه
وفي ثواني تحولني جنبك لطفله
ماليه الحياه لعب وتنطيط
قلبي إن قال قبلك
إنه حب يبقى عبيط
فألاكيد بإني بحبك