شوفت الدنيا

بقلمي / جمال القاضي
-----------------
شوفت الدنيا 
أحوال وفصول
شتاء وخريف
صيف وربيع
ناس بعيونها دموع
وحزينه
زي المطره لما 
بتبكي
والعيش مش لاقيه
وغيرها يلملم
كسر العيش
أصل الدنيا 
دنيا حظوظ
شمس بتشرق
تلقى فقير
من لبسه حرير
حاله إتبدل
وغيرها الصبح
بشوارعها يدور
وشوفته يقول
كنت البارح
ساكن قصري
ومصنتش نعمه
أو صدقه عطيتها
لمسكين ويتيم
كنت الليل 
بخماره سهران
بلعب لعبه حظ
وخسرت المال
أصل الدنيا
دي دنيا حظوظ
وغيرها بيضحك
ضحكه لثانيه
تشوف تقول
عايش بنعيم
بس جراحه
قتلت فيه الدمعه
واصبح عايش
مع صحبه لحزنه
والتاني هناك
مع فرحه وزفه
وبرضه بيبكي
تسأله ليه بيقولك
دمعة فرحه
ومشهد تاني
زي الصيف
حرارة لشوقه
على مفقود
غابت عنه وجوه
كان نفسه يشوفها
ماتت حتى 
جواها الفرحه
ومشهد تاني أخير
لجواد وكريم
قاعد حواليه الصحبه
ولمه لأسره
باب بيخبط
مين بتكون
أنا مسكين
يقوم الأب 
بكرمه وعطفه
يلملم كل طعام السفره
ولأولاد يقول
من ربي الرزق
وأنا ولغيري يكون
ومن الفرحه بتلقى
على وشوشهم
ترسم ضحكه
أصل الدنيا دنيا حظوظ
------------------
مع تحياتي ( جمال القاضي )