(على أرضك يافلسطين )

بقلمي / جمال القاضي

-------------------

في ليله فيها البدر غاب

وكنت نايم

سمعت صوت للرصاص

صرت صاحي

فتحت بابي

دخان فوق يغطي

نور النجوم

كأن السما بليلها غامت

روحت أنادي

روحت أصيح فين أبويا

فين أبويا

شافني جاري

قالي مات

جريت عليه لاقيته

بدمه غارق

قلت ليه قالوا

مدافع للعدو علينا

بالفجر غارت

حتى أمي

الرصاصة ليها صابت

زي أبويا هي ماتت

صرت وحدي بالطريق

أمشي أقول

شمس الحنان عني غابت

والفجر نور لاح

ليوم جديد

دفنت أمي بنفس توبها

وأبويا بنفس توبه

وتحت التراب قالوا يابني

ندفنوه ورغم دمعي

قلت ماشي

ولسكني روح راجع

بس عايش فيه لحالي

معايا ذكرى من أبويا

حكايه كان بيحكي فيها

عن جدودي

وإزاي يدافعوا عن بلادنا

وصوت لأمي حوليا سامعه

بصوت ينادي

دين عليك ياابني

تاخد من العدو حقي

مسكت بأيدي قلمي

وبكتابي أذاكر فيه دروسي

مرت سنين كبرت فيها

وصرت ضابط بالنهايه

كلفوني بالمهمه والأمر كان

أروح أقاتل

معايا جند والسلاح

فوق كتافي شايله

ووقت الغروب جهزت حالي

وبالعشاء بينا الحرب دارت

وأسمع صراخ

من صوت جنودهم

لأن رصاصتي للقلب صابت

وكان هروبهم لإن

الباقي كان مني خايف

رجعت تاني

في يوم أجازتي لبيت أبويا

وكمان أزورهم في القبور

ولأمي أقول أخدت حقك

ولأبويا أقوله خلفت راجل

---------------------

مع تحياتي ( جمال القاضي )