عمرى معاكي بقلم مصطفى سبتة

حبيبتي عمرى معاك حبة صور
صورة فيها لبسة بدلة وعايش سنى
وصورة فيها لابس ابيض وكنت
فاكر انه احلى يوم فى عمرى
وصورة بستناكي ببسمة مالية وشى
وصورة تانية بنيمها وكأنها نونه
وصورة تانية جمعت
فيها حنين بعمرى
وصورة مر زمانى فيها
وكنت فاكر انها سنى
وصورة وانت بتمثلي عليا
ان انا كلك و عمرك
وصورة فيها كدبة باينه
انك هتكوني ليا عمرى
وصورة تانية انى مقصر
فى حقك عليا
وصورة ان النقص فيا
مش قصورى ولا بأديا
وصورة بتقولك يهب لمن يشاء
وصورة فيها بشترى عشرة سنين
وصورة بعت كل غالى بدبلتين
وصورة تجمع بين سنينى
وبين خيانتك
صورة فيها بشترى خاطرك
بعمرى وفيها هجرك
فيها شعور سخيف بشترى
فيه الرخيص على انه غالى
وصورة وانا بطلب بكلمة فيها راحتى
وصورة فيها انى قررت وانا
هشترى عمرى بقرارى
وصورة فيها نفسى بتوسينى
وطبط عليا وتباركلى
وصورة اخيرة ليا بتقولك
مليون سلام وامضاء الضحية.