عيد صالح..شخصيات لها تاريخ..البطل لوا أركان حرب باقى زكى يوسف ياقوت

باقى زكى يوسف ياقوت ، لوا أركان حرب ،(23 یولیو 1931 – 23 يونيو 2018) رئيس فرع المركبات بالجيش الثالث الميداني فى حرب أكتوبر، وصاحب فكرة استخدام ضغط المياة لأحداث ثغرات في الساتر الترابي المعروف بخط برليف في سبتمبر عام 1969 والتي تم تنفيذها في حرب أكتوبر عام 1973 كان مهندس و ظابط جيش مصرى قبطى كان مقدم فىالجيش المصرى وقت حرب اكتوبر 73 و هو صاحب الفكره العبقريه بتجريف رملة خط بارليف على الضفه الشرقيه لقناة السويس فى حرب اكتوبر 73 عشان يقدر الجيش المصرى يعدى و يقتحم الدفاعات الاسرائيليه. بتعتبر فكرة باقى زكى هى مفتاح نصر اكتوبر و من غيرها كان صعب اقتحام خط بارليف. باقى زكى ياقوت كان مهندس وقت بنا السد العالى و كانت مضخات المايه بتستخدم فى تجريف الرمله فى المنطقه اللى يتبنى فيها السد العالى. باقى زكى قابل جمال عبد الناصر فى سبتمبر 1969 و شرح له الفكره اللى استخدمت وقت عبور الجيش المصرى لقناة السويس فى حرب اكتوبر.

اشتغل باقى ياقوت مهندس فى السد العالى من سنه 1964 لغاية 1967 و هناك كانو بيستعملو المايه المضغوطه فى تجريف جبال الرمله و سحبها و شفطها فى أنابيب مخصوصه عن طريق ترومبات لإستغلال مخلوط المايه والرمله فى عمليات بنا جسم السد العالى.

اتطبقت الفكره فى خط بارليف اللى بنته اسرائيل على الشط الشرقى لقناة السويس لمنع القوات المصريه من التعديه ، و اتفتحت الثغرات بإستعمال ماية القناه و عدت قوات المشاه و المدرعات المصريه و استولت على الحصون الاسرائيليه و دى كانت بداية الانتصار اللى حققه الجيش المصرى فى حرب اكتوبر.

اتخرج من كلية الهندسه جامعة عين شمس سنة 1954.

انضم فى نفس السنه للقوات المسلحه كظابط مهندس فى سلاح المركبات.

إنتُدب للمشاركه فى مشروع بنا السد العالى من سنة 1964 و لغاية النكسه سنة 1967.

كان قومندان لتشكيل من تشكيلات الجيش التالت الميدانى و كان رئيس لفرع مركبات الجيش التالت فى حرب اكتوبر 1973.

خرج من الجيش برتبة لوا سنة 1984، و اتكرم بنوط الجمهوريه من الطبقه الأولى على اعمال استثنائيه فى حرب اكتوبر.

المقدم مهندس باقى زكى ياقوت يتوصل الى عمليته الرائعة باستخدام المياه لإحداث ثغرات فى الساتر الترابى لخط بارليف ...

صاحب فكرة تدمير الساتر الترابى 

تقدير

نوط الجمهورية العسكري من الطبقة الأولى سنه1973

وسام الجمهوريه من الطبقة الثانية سنه1984