عيد صالح فضفضة من الاعماق --مصر مش ممكن تموت --

تحيا مصر.. مصر تحيا
باللى ماتو غدر من نار القنابل
باللى باتو حلمهم زرع السنابل
باللى ضحى بدون مايستنى المقابل
بالعيون اللى لحد الصبح صاحيه
تحيا مصر ... مصر تحيا
تحيا مصر بكل طايفة وكل ملة وكل دين
بالغلابه الطيبين
القلوب المليانين صدق ودفى
تحيا مصر
بالنفوس الصافية والروح الابية
يابهية وعلى بينا
علي ِ بينا جدار يضلل ع الأحبة
قول لمصر ان احنا دوبنا م المحبة
قولها عاشقين ترابك حبة حبة
قولها ديما ً ف ضهرك
وان طلبتى الروح ياغالية
ف روحنا مهرك
قولها نيلك بيجرى
فى الوريد قبل الخلايا
شمسك الدهبى بتشرق
ف عيون الصبايا المكحلات
ضحكتك سكر نبات
دمعتك ف عنيكى لا يمكن تبات
طول م فينا نبض حى
بكرا جاى بنور سماوى
رددى لينا الحكاوى
عن مكانك عند رب العالمين
والرُسل والصالحين
عن حضارة شعب ضارب ف السنين
عن صلاح الدين ومينا وعين جالوت
ياللى مش عارف بلادى
تحيا مصر

تحيا مصر