عيونك ليل

بقلم ماجدة البهيدي
============
عيونك  ليل  مالوش  اخر
وشطك بحر  ماله حدود
ملاني الحب  على  الأخر 
فرشت  لك  طريقي   ورود
دي  نظرة  واحدة ترضيني
وتبعد  عني  اي   شرود
يا   ويلي   لما   ابصلها
بيشمت فيا  كل  حسود
و بيتبدل  قوام    حالي
عيونك جنة  فيها  خلود   
ده   رمشك  عندي  بالدنيا
يطمن    قلبي   لما   تعود
يا  كلمة   وسط   دواويني
يا  غنوة  ترن   ويا   العود
انا    قلبي   شهيد   رمشك
في عينك سحر مش موجود 
خطف  قلبي  كده  في  ثانيه
و بين  ايدك  صبح   مولود
عيونك فيها تعويذة  سحرتني
 ورمتني في  طريق  مسدود
دانا    قلبي    على    قده
ما يستحمل عينيك السود
اخاف  أغرق في  بحر  حنان
يدوب قلبي  وصمته  يسود
عيونك   فيها  ألف  سؤال 
وانا عجزة  ما لقية  ردود 
في  عينك   جمر   يكويني
وكل   الناس  عليا  شهود
لقيت   نفسي   انا   فيها
وبينى  وبنها  الف  وعود
كأني   مخلوقة  انا  ليها  
وهي    مني  حد   ودود
لو  اهرب   منها    تندهني
ولو أقرب اتوه   ولا  اعود
وهوصف   ايه   انا   فيها 
عيونك   سبحان   المعبود

بقلمي السبت 22/1/2022
:
#ماجدة_البهيدى
: