فكرة رائعة لمساعدة أهالينا

كتب / رمضان محمد
في ظل الظروف الصعبة التي يمر بها الفقراء حضرت لي فكرة رائعة
عاجل ومهم لمساعدتهم
لكل مشايخ وائمة المساجد
فكرة ممتازة وحتساعد ناس كتير
والله الفكره حلوه وعجبتنى ..... وياريت كل امام مسجد او اي شخص فاعل خيريسعى على تعميمها فى كل بلد أو قريه أو مركز
فكرة (( جنيه كل جمعة )) ..
الفكرة بتقوم على إن كل واحد فى المحافظة او البلد وهو ذاهب لصلاة الجمعة ياخد معة جنيه و يضعة فى صندوق اسمه ( جنيه كل جمعة ) ،،
جنيه واحد بس .. وليس كل يوم .. دا جنيه كل جمعة ..
لو افترضنا إن عدد المصلين يوم الجمعة حوالى 5000 مصلى موزعين على كل مساجد المحافظة او البلد .
سيكون معانا فى الأسبوع 5000 جنيه ..
نضربهم فى 4 أسابيع فى الشهر = 20 ألف جنيه ..
20 ألف ... هذا فى شهر واحد فقط ..
20 ألف من غير ما تشعر إنك دفعت حاجة ..
هذا إن هناك اشخاص ممكن تدفع أكتر من كده ..
مش ممكن أن ال 20 الف كل شهر نجهز عروسة ؟؟
مش ممكن نساعد مجموعة من الأسر الفقيرة ؟؟
مش ممكن نساعد يتامى ؟؟
مش ممكن نساعد مريض فى علاجه ؟؟
مش ممكن نساعد الطلاب غير القادرين ؟؟
ممكن ولا لأ ؟؟؟
الجنيه لا يفرق مع اللى هيدفعه ..
بس حيفرق مع اشخاص تانية محتاجة مساعدة ..

فكرة بسيطة .. ممكن تحقق أحلام كتير
على أن تشكل لجنة من إدارة المسجد ومديرية الاوقاف وتوضع مبالغ المساجد كلها فى صندوق بالمديرية اسمة ( صندوق جنية الجمعة )
ياريت الي تعجبه الفكره يعمل حاجتين
١ - ياريت يسعي ف التنفيذ الفعلي ليها
٢ - ممكن ننشر الفكرة بين اصدقائنا واهالينا لعل وعسى نجد من ينفذها ويؤخد ثواب الدال علي الخير كفاعله لتكون صدقة جاريه للمسلمين والمسلمات والمؤمنين والمؤمنات الأحياء منهم والأموات.