فلنتأدب عند الحديث عن الله

تكتب//أميرة محروس

- مفيش حاجة اسمها ربنا أحن عليا من أي حد
ربنا مش حنين .. 
*ربنا رحيم*
*اسمها ربنا أرحم بيا من أي حد*
 - مينفعش تقول : بحس إن ربنا بيطبطب عليا
ربنا مش بيطبطب على حد
*اسمها ربنا بيربط على قلبى*
- مينفعش تقول : حس بيا يحس بيك ربنا
 ربنا لا يحس بأحد ..  *ربنا يعلم ويرى ويسمع ويرحم*
- مينفعش خالص تقول : ربنا عارف كل حاجة
لأن المعرفة لابد أن تأتي بعد جهل وحاشاه وتعالى
 *اسمها ربنا عليم بكل حاجة*
- مفيش حاجة اسمها ربنا يأذي المؤذي
ربنا مبيإذيش حد *اسمها ربنا ينتقم من المؤذي*
- مفيش حاجة اسمها ربنا يقرفك ولو بهزار
ربنا مبيقرفش حد حاشا لله
- ومفيش حاجة بردو اسمها ربنا يظلمك
ربنا مش بيظلم حد حاشا لله
استبدلهم بقول :
 *ربنا يهديك*
- مفيش حاجة اسمها ربنا عايز كده..
 لأن عايز من العوز وهو الحاجة..
 ربنا مش بيحتاج لحد أو حاجة.. سبحانه وتعالى..
استبدلها بقول.. 
*ربنا أراد*
- مفيش حاجه اسمها ربنا يخرب بيتك ..   
لإن الله لا يخرب. 
 لكن قل
 *ربنا يجازيك بعملك.*
*فياريت نخلي بالنا ولا ننسب لله صفة لم ينسبها هو لذاته سبحانه* 
فلنتأدب مع الله .