قطار العاصمة الكهربائي بطول ٨٤ كم

كتب: احمد الغمري 

يعتبر قطار العاصمة الكهربائي  اول قطار يعمل بالكهرباء في مصر "بخلاف مترو انفاق القاهرة"  في خلال ٢٠ شهر مصر هتضيف لشبكتها مواصلة سريعة حديثة بطول ٨٤ كم ! 
سينطلق قطار العاصمة الكهربائي بتكلفة ١.٢ مليار دولار يعتبر نقلة كبيرة جداً للقاهرة

بلغت نسبة إنجاز الأعمال المدنية بالمحطات إلى 25% من النسبة المستهدفة هذا وتم الانتهاء من ما يقرب من 33% من أعمال الكباري بالمشروع، و 70 % من أعمال الأنفاق، و18.5% من أعمال جسور السكة، وحوالي 12.5% من أعمال إنشاء ورشة الصيانة للقطار الكهربائي

يعني ايه قطار العاصمة ؟ :

-يعني ثورة عمرانية لسكان العبور ، بدر ، المستقبل ، الشروق 

-يعني ربط مدينة القاهرة الكبري بالتجمعات السكنية والصناعية الجديدة و العاصمة الجديدة 

-يعني ربط سكان محافظات القاهرة والقليوبية والشرقية بالعاصمة الإدارية الجديدة 

-يعني كل محطة في القطار تعتبر مركز سياحي كبير هتضم محلات ومطاعم وكافيهات وغيره 

-يعني تسهيل علي ٥٠ الف موظف التنقل يوميا من و الي العاصمة

-يعني تشجيع المواطنين علي الخروج من القاهرة والسكن بالمدن الجديدة 

-يعني تشجيع رجال الأعمال ضخ استثمارات جديدة في المدن اللي هيمر بيها القطار الجديد ويشجعهم في افتتاح مطاعم ومولات وكافيهات واستثمارات ترفيهيه لخدمة الحركة السكنية الجديدة اللي هتنتقل من القاهرة المزدحمة للمدن الجديدة 

-يعني سهولة الوصول لقلب العاصمة الجديدة في أقل من ساعه من وسط القاهرة ، باستخدام مترو الأنفاق تقدر توصل لآخر نقطة محطة مترو "عدلي منصور" ودي محطه تبادليه مع القطار الجديد تخرج من قطار المترو وتركب القطار الجديد هياخدك ويعدي بيك علي العبور  والمستقبل والشروق و بدر والروبيكي وبعدين يتفرع لاتجاهين الاتجاه الاول يكمل علي مدينة العاشر من رمضان بمحافظة الشرقية والاتجاه التاني يكمل علي العاصمة الجديدة واللي هيربط شمالها بجنوبها لحد اخر نقطه وهي مدينة مصر الرياضية العالمية في جنوب العاصمة 

القطار الكهربائي بتنفذه شركات مصرية وصينية بتكلفة ١.٢ مليار دولار امريكى وهيكون فيه مشروعات مماثلة ليه في المنصورة والإسكندرية  

القطار بيضم ١٥ محطة جديدة وهم "عدلي منصور- العبور - المستقبل - الشروق -هيليوبوليس الجديدة- بدر- المنطقة الصناعية -العاشر من رمضان- الروبيكي- بدر الجديدة - العاصمة الإدارية 1 - العاصمة الإدارية 2 - العاصمة الإدارية 3 - العاصمة الإدارية 4 - العاصمة الإدارية 5” و ٦ كباري للمرحلة العلوية و ٢ نفق للمرحلة اللي بتمر تحت الأرض و ٤ كباري سيارات بالهايكستب ومداخل مدينة المستقبل والشروق

بيتقاطع القطار الجديد مع المترو من خلال محطة "عدلي منصور" و مع المونوريل الجاري تنفيذه في محطة "العاصمة الإدارية 2” 

يقدر القطار انه ينقل ٦٠ الف راكب في الساعه بسرعه ١٢٠ كم في الساعة و هيضم ٢٢ قطار جاري تصنيعهم حالياً وهيتم توريدهم خلال اقل من عام .