كتلة ستات وشباب أد التحدى مع الفقراء

كلنا عارفين اننا داخلين على شهر كريم وعلشان احنا كتلة ستات وشباب اد_التحدى
هنتحدى الظروف مع الفقير والمحتاج ، حملة
ساكنى المقابر .. حمله لتوصيل كارتونه رمضان لساكنى المقابر
ناس عايشه وسط الاموات .. الاسم عايشين والواقع اموات وسط اموات
ناس مش متشافه ولابيوصلها اى مساعدات لان الضوء مش موجه ليهم ..
احنا هننزل لهم بأذن الله وهنوصلهم كارتونه رمضان ..
هننزل لاكثر من 200اسره معدمه .. مش لاقيه ال لقمه
هدفنا نوصل لاكبر عدد اسر منهم ..
هنبدء الحمله بأذن الله ب 40 كارتونه مننا 20 من نهر الصدقات و 20 من رجل فاضل
ممكن تساعد بكارتونه واحده بس اسره كامله علشان رمضان .. الناس دى بتصوم ومن حقها تلاقى حاجه تفطر منها
متستقلش وتقول كارتونه هتعمل ايه .. لاكن قول هما من غير الكارتونه هيعملوا ايه .
محتاجين نوصل ل 200 كارتونه على الاقل ...
ممكن تجهز الكارتونه واحنا نيجى نستلمها علشان نقدر نوصلها بأذن الله .
وممكن تنزل معانا علشان تساعدنا وتقف جنبنا

الفيديو المعروض هيوضح جزء من حالهم ومن احلامهم
حلم الست فتحيه ال راحت عند ربنا فى بدايه 2018 ودى كانت اكبر سيده من سيدات ساكنى المقابر وال كان حلمها شقه تعيش فيها ..
والفيديو التانى
- الطفل عمر حلمه يبقي دكتور ويمشى من المقابر "عايز حياه"
-الطفل سيد وال حلمه يكون ضابط جيش
-والطفل يوسف وال حلمه يكون ضابط شرطه ويجيب شقه ...
والدكان علشان يلاقى حاجه ياكولها
احنا هنعمل حمله علشان نوصلهم كارتونه رمضان ونفرحهم ولعل الله جعلنا سبب لتسليط الضوء على الناس المنسيه
المقابر ال ان شاء الله هننزل نزور سكانها هى " مقابر السيده نفيسه / مقابر السيده عائشه / مقابر الامام الشافعى "
(ولسه فى مقابر الاباجيه ومقابر اللمام التونسي )
او قدرنا نكفى المناطق الثلاثه الاولى بالكاراتين .. هنتجه بعدها ل المنطقتين الفاضلين
الحمله
فكرة ا/ ريهام شلش
ا/ احمد ياسين مستشار كتلة الجيزه

وعلشان ده
كلنا هنشارك وهنلف المحافظات بباص باسم
نهر الصدقات لكتلة ستات وشباب اد_التحدى
دمتم اهل خير ودمتم اهل رحمه