رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الجمعة 19 أبريل 2024 2:01 م توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
مش هاقول انه فارقنى كدبوا اللي قالوا ابويا مات
دا كل حاجة عليه بتشاور دا لسة عايش وسطنا
اصل ابويا ان حتى سابنى باعيشه فيا بذكريات
وحاجات كتيرة كانت بنا واخدة لسة بحسنا
كان الوفا حضن ودفا وسط سنين مرة وعجاف
كان الحنان والامان حاسه بوجوده من ايه اخاف
لسة ابويا صورته ف عينيا
بيدفى روحي ويخاف عليا
لسة ايده ف حضن ايديا
لسة عايش جوة منى وكأنه هنا
لسة ريحته ف الاماكن ف كل مكان ف يوم جمعنا
سيرته عطر ف قلبي ساكن كان كل حاجة ليها معنى
على حس ابويا اصحى وابات
دى ضحكته مالية السكات
ولو باقي لى ف العمر ساعات
مش عايز اشوف غير صورته تضمنا
لسة ابويا صورته ف عينيا
بيدفى روحي ويخاف عليا
لسة ايده ف حضن ايديا
لسة عايش جوة منى وكأنه هنا
إضافة تعليق جديد