( لما قابلتك )

بقلمي جمال القاضي

من لما قابلتك 
أول مرة 
وكانت صدفه مابينا
حاجه غريبه
حسيت أنا بيها
ونفسي أحكيها
بس كلام لحكايتي
من غير ولاحرف
لأن كلامها
على رمش عيوني
مكتوب بإشاره
ومرسوم بعيوني
تعالي وشوفي
هتلاقي بالأول صورتك
زي مرايا
عاكساها عيوني
ونسخه كمان أبقيتها
مطبوعه بقلبي
لما أشتاقلك
أسرح فيها وكأنك
حاضره بصمتي
أتكلم تسمعي صوتي 
وطيفك هو يرد عليا
إقري كمان هتلاقي
مكتوب بحكايتي
لهفه وشوق 
من طول نظراتي إليك
لغه مابين قلبي وقلبك
وعيوني وعيونك
تكون مفهومه
وكأن قصايد 
بلهجه جديده لها مكتوبه
ومش أول مره
تقرا كلامها
وأنت عارفني
لما أقرب منك 
لساني بيصمت 
وكلامي بيهرب 
بس جوارحي لحبك
هيا تعبر عنه
دقات من القلب
عاليه تلاقي 
وكمان نبضاتي
ونظرات لعيوني طويله 
أكيد بتشوفها
ولا رعشة إيدي 
دي حاجه غريبه 
لإيدك أخاف ألمسها
وصوتي كمان بحضورك
شايفه أمامي مني بيهرب
وكأني ساعتها 
لأول مره أشوفك فيها
بس تقولي بحبك 
ألقى القلب  دقاته بتهدأ
وترجع كل 
حاجه غريبه كنت تشوفها
زي الأول لأنك 
وعدتني وعد
اليوم والبارح
تفضل قربي وساكن قلبي 
تعرف ليه ياحبيبي
لأني بحبك وأعشق حبك

بقلمي جمال القاضي
جمهورية مصر العربية