ليه ترضى تكون ع الهامش

ليه ترضى تكون ع الهامش
نكرة ومحدش عارفك
بالاسم اهو واحد عايش
من غير ما تحقق هدفك

واليأس ارميه ورا ضهرك
انسف أحزانك نسف
ليه راضى تكون كدة عادى
ومكانك اخر الصف
...................................
ما انتش صدقنى قليل
واهو خطوة بخطوة هتوصل
لو حتى ف يوم تتكعبل
هتقوم من تانى تكمل

     والحلم هيبقى حقيقة
صدقنى ساعات ف دقيقة
         الكون كله بيتغير
     وبيبقى احسن م الاول
........................................
ما تقولش الوقت اهو عدى
والحلم خلاص ده بعيد
  قطر الاحلام لو هدى
خد واحد تانى جديد

اصبر على حلمك عافر
ما الدنيا براح قدامك
قادر هتكون وهتقدر
بس انت احضن احلامك
.....................................
كلمات
محمد عبد المنعم
منعم