( ليه تنساني )

بقلمي / جمال القاضي
--------------------
ليه تنساني 
وليه تعاتبني
كل ماغيب عنك لحظه
أو حتى ثواني
اسأل ليه 
غيابك كان بيطول
كنت هقولك
بفكر فيك
بفكر بكل كلامك
لما البارح قلت بحبك
وروحت اليوم منه زرعت
ومن حبك بذرة 
لاقيتهانبتت فوق أغصانها 
ورود من حبك وفيها عبيرك
لما أقطفها أحس أنا بيه
وكتبت عليها بحبك 
علشان أهديها إليك
لما بكره أقابلك
ومعاها كلام للحب
دايب فيها ورقه بورقه
وجوه عبيرها 
إحساس لمشاعري ساكن فيها
ولأني عرفت 
إن الوردة تمسكها بإيديك
رحت لشوكها أزلته
أما عتابك 
زعلت أنا منه
لإنك عارف حبك 
ساكن جوه بقلب
ومنه البارح وعدك وعد
مايبعد عنك 
أو حتى يفارقك
بس الوعد نسيته اليوم
ولما كلامي بعته
تغمض عنه عيونك
لما تشوفه
وكأنك لأول مره 
حسيتك مابتعرفني 
وفاكر إني غريب
بيغازل فيك
ونسيت إنه لكل كلامي
حروف وطريقه
أحكي معاك منها حكاوي
كلمه وكانت تمدح فيك
وغيرها تحس معاها 
بشوقي إليك
بس إزاي قلبك مابيعرفها
ويحس معاها بحبي
يمكن راح وأتغير
أو فكر فيها إن لساني
ينطق منه كلام
من غير إحساس كان بالقلب
فكر تاني بكل كلامي
وفكر إني مازلت بحبك
وإمسح بينا أي كلام
كان لعتاب وأبقى مابينا
كل كلام للحب
حروفه تفضل شمعه 
تنور بيها طريقنا لأني
بحبك إنت
-------------------
تحياتي ( جمال القاضي )