( مبتسأليش )

بقلمي /جمال القاضي
------------------
شوفت فيك يادنيا
كل شيء صار غريب
مره عني فيها راضيه 
أضحك بصوتي 
بس ضحكي
شايفه غيري شيء جديد
ولما أحزن الكل شايف
إن حزني من زمان
ومش جديد
ليه عليا صرت قاسيه
وكان منايا تبقي عني
مره راضيه
بس أقولك حظي فيك
إني تايه وسط الزحام
وتاه معاك كل حلمي
حتى العيون 
مش شايفه فيك فين طريق
ليه يادنيا صرتي قاسيه
فيك دمعي يبقى نازل
وغيري يضحك
وضحكه عالي
وحالي عنهم الكل شايفه
وإنت بس مبتشوفيش
ليه يادنيا صرتي قاسيه
هنسى إني فيك عايش
وأقول كفايه من مرارك
شربت منه بطعم كاسك
ولساني قالك 
من زمان
إنت عني مبتسأليش
هنسى إني فيك عايش
وأبقي نفسي
زي ظل 
لشيء يدور
صبح ظاهر خلف نور
ووسط الظلام 
ماتعرفوش
صرت قاسيه 
والقسوه طبعك
إنت إيه مابترحميش
والكل فيك 
أصبح وحوش
ليه يادنيا صرتي قاسيه
-----------------
مع تحياتي ( جمال القاضي)