مش كنا متفاهمين

متابعة محمد الدكرورى
قصيده جديده للشاب الجميل
علاء هشام
مش كنا متفاهمين
وكنا متواعدين
وشوفنا حلم سنين
واقف بعيد ع الشط
غرقان ماذال ع الخط
ومعدي حد الموت
سارق دروب الهوا
شايل هموم الكون
وانا قلبي مش مضمون
يفضل يصون ويقب
انا كنت ناوي احب
واتحب واتمايل
انا شوفت نفس بعيد
وانا لسة بتحايل
صوت الغرام هايل
طبع الحنين هايل
القلب بات شايل
والشيلة كات ع البر
يامودعين الشر
الحب مش انصاف
ولاحتي كان عراف
الحب ع الاطراف
بيزين البدايات
كل الكلام الحلو
اصبح ف حكمك شات
ووعود بتنهي حاجات
كانت ف يوم حلمنا
ملعون دروب عشقنا
لو كات بترمي وداع
ازاي اقب واميل
وانا قلبي كان متباع
وكمان بارخص تمن
اي اللي عاش للزمن
غير بس تنهيدة
انا خدت تابيدة
وماذلت انا السجان
احزاني بالمجان
اسمي ف قانونك خان
وانا خوفت اعدي وابان
ترمي عليا الجمر
حبك كمثل الخمر
بيشتت الافكار
قلبك بينصب بار
والنار ساعات بتقيد
ملعونة دي التجاعيد
وسجارة كات ف الايد
وانا لما كنت بعيد
شتتي افكاري
الحب اصبح كار
لكن ماهوش كاري
اوعاكي تختاري
وتزودي الفرقة
قلبي ماهوش طرقة
علشان تعششي فيه
سلمتي ع البدايات
ورجعتي ليه تنسيه
انا لما كنت بجيه
ببقي ضعيف وحدتي
ببقي انيس كلمتي
بنسي دموع ازمتي
علشان تكوني انيس
حبك ده طبعه خسيس
والخسة ملياكي
والفرقة ملكاكي
وانا لسة جواكي
بفتح ببان الخوف
خايف اي واطوف
الاقيكي عيشاني
فبلاش تفارقيني
وتزيدي احزاني
انا قلبي مجاني
انا حبي خلاني
انسي اني كنت جريح
انا دوقت طعم الفرح
فلقيته كاس تجريح
ومراره زي السم
عاشق مازل بيزم
ويتم عمره بلاش
بتعاش لكن منستش
ان التمن كان كاش
وشك ياحلوه هشاش
وملامحه مطفية
فسهرت اعد الوعد
ملقتش شي فيا
حليت حبال العشق
ربطتني بالسلامات
فسالت عن حبنا
ردت وقالت مات
ايه اللي عبي سكات
غير نفس متعلقة
ودروبها متشعلقة
حطتني ع المشنقة
واخدت عزايا ف يوم
انا عشت عمري بصوم
عن طيشها وزعلها
ف ازاي ازعلها
وهي كات نصي
دلوقت بتقصي
صورتي من الالبوم
اقسم بربي بقوم
عن صورة جمعتنا
عن ذكري لمتنا
عن سر ضحكتنا
دلوقت علتنا
بقيت بواقي كلام
ملعون ابوه ده علام
خلاني اذاكر وصفك
ملعون ابوه الحب
خلاني اموت من قصفك
ملعون كلام الشعر
لو مرة كان مش ناصفك
انا كل ما اكتب وصفك
اللقي الاهات كات بخة
سلطاني قام اتنحي
ومعدش ليه احكام
بعتي حياتي بكام
ونسيتي عشرتنا
سديتي طاقة القدر
وقفلتي سكتنا
وقولتي كلب وراح
اقسم برب الكون
حبك ده كله جراح
وانا كنت شخص صريح
محتاج يادوب تصريح
والريح يعديني
من فوق جبال الحب
خايف اعدي واكب
حبك يفكرني
والضخكة تكسرني
والشعر يخسرني
وانسي ان انا المجروح
هفضل اسير الحلم
لما السعادة تروح

علاء هشام