( مش هعاتب )

بقلم جمال القاضي

مش هعاتب حد تاني

القلب مل منك كتر العتاب

مرة غاضب ومرة راضي

والقلب فيه الجرح طاب

في الحب دايما كنت قاسي

ومشفش منك غير عذاب

معايا أشوفك عني راضي

ولما تمشي ماغير تخاصم 

وتغيب عليا وتقول عقاب

ولما ترجع أشوفك بوجه تاني

ولاشيء كأنه كان قبل الغياب

وتقول بحبك والحب عادي

والعتاب معاي قفلت له ألف باب

هو إيه الحب دا حب عادي 

ولا حب كان من حكاوي للكلام

وفي الحقيقة أصل كان من سراب

أهل الزمان ع الحب قالوا

لو حد حبك يبقى عن حبه راضي

ولو يخاصم أو يعاتب

خصام خفيف وخفيف عتاب 

إنساني وانسى كل حاجه 

والذكريات وال بينا قل دا ماضي

وكل ال فيها وهم كان ومجرد كلام