بقلم مصطفى سبتة
دخلت الدنيا من بره
مشيت بالفرح بتسند
وقلبي عشانك اتوضى
بصلي ركعه و التانيه
و بدعي ربي يجمعنا
شايفك فرحتي و امي
وجودي يعني هو انتي
بحب الفرحه و اللمه
وكأنك دنيتي وبنتي
بعشق كوني ف عيونك
وبحمد ربي ف وجودك
وهزرع روحي ف ضلوعك
وهحصد فرح احلامي
وهكتب شعر ف هواكي
وهبني قصري جواكي
و الكل عذابي إلااكي
نزلت دمعه ف سماكي
بتروي رحمه جوايا
واسمك ميزه في كلامي
صحيت الفجر ودي عاده
صلاتك فرض وعباده
مشيت من جوا بتكسر
ف بعدك قاعد بستغفر
بُعدك ذنب ودي حاجه
ومشاعري ليكي محتاجه
و انتي الحلوه بزياده
ضِحكت شمس غيرانه
ف حب ضي غير نورها
ضي حبيبتي زعلها
جايه الدنيا تتشاكل
مع قلب عَشق ف جمالها
داخله حياتي تتمايل
نجوم السما خافت منها
حبيت ضحكتها الصافيه
فسلبت ضحكه من فمي
واهديتها ضحكه متشاله
بحوش فيها من صغري
وحلفت اديها لحبيبتي
تضحك بيها ف احزاني
و تقرب مني تسرقها
هي وريدي و شرياني
إضافة تعليق جديد