رئيس مجلس الإدارة   ..
دكتورة  / نبيــــــــــلة ســـــــــامي                  

تحيا مصر تحيا مصر                                                

الاعلام البديل 

الخميس 19 سبتمبر 2019 6:34 ص توقيت القاهرة

هقولك مش بخير

محمد عبد المنعم

هاقولك مش بخير

موتنى كتير غيابك وتعبت م المشاوير

ودموعي على بابك واقفة بقالها كتير

واكيد حبيبتي برضه بتعيشى نفس الوضع

احلام كتير اتهدوا و بقينا تماثيل شمع

وقوليلى م الوداع احنا بيه استفادنا

وخدنا انا وانتي ايه لما يومها بعدنا

وانا لو هاتكلم عنى هاقولك مش بخير

ف لحظة طيش

انا وانتي قلبت معانا بعناد

وكان يومها البعاد اكبر منى ومنك

وفكرة انى اعيش

واتعود ع البعاد

محاولة منى فاشلة من يوم ما بعدت عنك

وانتي ف القلب سايبة يا حبيبتي فراغ كبير

كان صوت العقل فين

واحنا بنهد بايدنا

حب عمره سنين يومها وجعنا نزف

بقينا اتنين عايشين

الحزن هو عيدنا

يدوب ف غمضة عين اللي بنا اتنسف

وخلاص بقا للاسف بندوق نفس المصير

هاقولك مش بخير

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.