يعني ايه ياولدى جيش

بقلم مصطفى سبتة
عاوز تعرف يعن إيه جيش 
تعالى وأنا أقولك وأفهمك 
بشويش لو كنت متعرفش 
يعنى إيهيا ابن بلد.  جيش
يعنى احترام وضبط وربط 
ومش هرجله وفوضى وطيش 
يعنى يا ابن بلدى  قياده يعنى 
رياده يعني أمانة وغيره مفيش
يعنى    فٖكر     وعٖلم   وتكتيك 
ومش لعب ولاتنجيم  درويش
ولا ماشيه  معاه  بضربه حظ
 ولا شيش بيش ولاشيش بيش
يعنى محمد وجورج ووائل وعليش
يعنى حامى حما مصر واراضيها
من أسوان ياولدى لغاية  للعريش
وكل شبر فى مصر عليه منه بصمه
ولمسه وهمسه ودم  وكمان  أفيش
وأصغر    قائد    فيه   يقود جيش 
ولا صقر قريش فعلاً ولاصقرقريش
جيش    يعنى طبعا رجاله   أبطال 
ومش شويه دروايش ولاخرابيش
تعرف يعنى إيه عسكرى وأمباشه 
وكمان ياريتك تعرف ايه شاويش
يعنى أسد  ووقت الشده   والجد 
أبداًميتاطيش وعمره ميتاطيش
فمبالك بلواء وفريق يهد الدنيا 
أيوه ياولدى يهدالدنياومتتبنيش 
ووقت   الحرب   ياكلوا  حجاره 
ويلبسوا حته من شوال الخيش 
عضم الأعداء مزاج ليهم يقرقشوه
 زى   أنت    اما بتاكل  القراقيش 
 ودم الأعادى بيعملوه للبياده ورنيش 
 ولو    مصر    فى يوم  قالت   أه
 من    شويه   خونه    و حرافيش
 أو غدر عايش جواها فى الضلمه
ومستخبي في الزقاق زى الخفافيش 
 جيشها يترمى فى حضنها ويقولها
يامصر  يامصر  يامصر  متخافيش
بدمي أفديكى  يا أمى ولو معرفتش 
يبقي أنا أموت   أحسن   ما أعيش 
تعيش  لينا  دايماً.  يا جيش  مصر 
بحق كتاب الله إن شاء الله تعيش