رئيس مجلس الإدارة   
            د/ نبيلة سامى                   

                                               

          صحافة من أجل الوطن 

              (  مجلة مصر )

                             ( أحدث إصدارتنا)

الجمعة 19 يوليو 2024 12:31 ص توقيت القاهرة

أيوا يادنيا.. بقلم جمال القاضي

ايوا يادنيا ضحكتي علينا
لما سمعنا ف مره كلامك
وقلتي تعالوا ننسى البارح
ويلا كمان علشان نتصالح
وكفايا علينا شبعنا فراق
وكفايا علينا خصامنا الجارح
وصدقناك ومشينا وراك
وسمعنا حلو كلامك
بس ف ثانيه قلبتي علينا
والوش الحلو شافوا الكل
وش قبيح غير البارح
واستكتري الضحكه علينا
ومنا اخدتي كل ماكان بايدينا
كذابه يادنيا بكل كلامك
والكسبان ال يكون
علطول ف عنادك
ولما تقولي شمال ولايسمع منك
حتى كلامك ويمشي يمين
وعلطول الخط يكون بخصامك
غريبة يادنيا كنت تقولي نصيحه
وصدقناها سراحه
كنت تقولي الفرحه مشوارها طويل
وانت الخاينه والخسران يبقى
من مر الواقع يبقى عليك دليل
ولو صدقنا منك ضحكه
ومشينا وراك حالنا يكون
زي صفار لارقام مكتوبة شمال
كتير بنشوفك لابسه أثواب
زاهيه ألوانها وتشد العين
ونمشي وراك وللحال ناسين
ولو صدقناك نهاية تكون
فيك الصدمة ناخدها
وضربه وخبطه فوق الراس
ودموعنا زي بحور بتسيل
والحسرة نتيجة وزي ماروحنا
زي ماجينا بايدين فاضين
والخسران ال يصدق حلو كلامك
ويمشي وراك ويشوف ويصدق
لون واحد بس من كل ألوانك
كذابه يادنيا وفيك الكذب
مطبوع على وشك وبختم أصيل

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.