إنت أد المسئولية

شعر : سحر عفيفي عفيفي أحمد
علمتينا يعني ايه معنى الحياة
وإزاي نقول للحق آه والظلم لا
علمتينا يعني إيه معنى الوجود
وإزاي نمشي الطريق من بدايته لمنتهاه
يا اللي حبك في القلوب ما لهوش حدود
دا انتي أكبر نعمة من الإله
*****
كلمة حلوة قالها رئيسنا في حقنا
المصريين لو أرادوا الحياة
مين يقدر عليهم مين
مين اللي رجع تاني فرحنا
وزرع الأمل في عيون الملايين
أكبر تحية للجيش المصري العظيم
اللي حقق بطولات على مر السنين
أكبر تحية للفريق مهاب
واللواء كامل الوزير
واللي شارك واللي ساهم
واللي ساعد في الإنجاز الكبير
واللي خطط واللي هندس
والي أخد القرار وكان له أكبر تأثير
******
والحلم أصبح حقيقة وخلاص حفرنا القناة
والخطوة كانت جريئة ودي نصرة من الإله
وعشان قلوبنا بريئة رجعت تاني الحياة
******
متشكرين متشكرين يا رئيسنا
يا حبيب المصريين
على الإنجاز الكبير اللي أسعد ملايين
ياللي حققت العدالة والكرامة الإنسانية
وصبحت لينا الريادة على كل الدنيا دية
بالعمل ويا العبادة
كنت أد المسئولية
دا شعب مصر مستحيل
ينسى في يوم الجميل
دا انت في عطائك يا رئيسنا
أصيل زي نهر النيل
والتاريخ والزمن يشهد
إنجازاتك أعظم دليل
إيدك في إيدنا ... نعلي رايتنا
ونلغي كلمة مستحيل
دا شعب مصر بيناديك
دايماً خطاك للأمام
الله معاك ... الله يحميك
ويعيش وطننا في سلام
دي مصر كانت في غيام
مديت إديك بالسلام
وللشعوب العربية
كنت ليها أعظم إمام