ابتسامة جبرية

كتب تامرعازر المناهرى

مكتملت الملامح
مرسومة على وجة المظلوم.
وفرح فيها ابو قلب جارح .
معذور
يمكن يكون قدرة اليوم .
ونسى من امبارح.
كلام مكتوب على وجة انسان بيعانى
من ظالم وحكم على المظلوم بانة الجانى.
زمن يحير واتغير بعدد رمال البحر .
وأصبح المتحكم بقلوبهم التهميش والغدر.
الإنسان أصبح من إخوة الإنسان بيعانى.
فيهم اللى داس على العيش والملح .
وفى اللى قلبة ميعرفش يوزع الفرح.
أصبح كاس والكل منة شارب.
جرح وغدر وعدم محبة
علشانها ابو قلب ابيض بيحارب.
يوم ماتعرفهم يخلوك حقل تجارب .
من ظلم وغدر ولازم تكون شارب.
ميوجعش الا ظلم من كان حبيبك.
ومفكرش أن اللى صابك يمكن يصيبو.
ناس كانت جبروت على الفاضى.
ماتت واتمحى منها الماضى.
بيفضل صورة وشوية خيط عنكبوت.
من ناس جبروتها مفكرتش فى ساعة الموت.
وفي ناس تفتكرها بالرحمة والدعاء لهم بالملكوت.
من قلب طيب بيعمل الخير قبل الموت.
احنا على الأرض فى رحلة.
احسن أعمالك قبل ضياع الفرصة.
هنمشى منها بمتر دبلان.
واللحم هياكلو الديدان.
وهتفضل أعمالك ياانسان.
لا تجعل على وجة الحزين
الابتسامة الجبرية.
واجعلها ابتسامة مكتملة الملامح