" الحب " بقلم ياسمين حافظ

الحب مش واحد وواحدة

الحب هو عبارة عن حياة واحدة

الحب هو مشاركة و رحمة ومودة

الحب يعني في عز التعب تلاقي اللي يطبطب عليك

يعني في عز حزنك تلاقي اللي يواسيك

في عز شدتك تلاقي اللي يقف جنبك و يخاف عليك

في عز ضعفك تلاقي اللي يقويك

اللي في عز خوفك ورعبك يطمنك ويحميك

الحب هو إهتمام واحترام وإحساس بالأمان

الحب هو احتواء و مراعاة للمشاعر وطيبة وحنان

الحب يعني تمسك بايد الغرقان

تجبر بخاطر الغلبان

تمسح دمعة الحزنان

تقدر قيمة الشقيان

الحب مش لحظات حنين وشوق وغرام وهيام يعيشوا لسنين

الحب هو إنك تداوي جرح كبير من سنين

الحب إنك تدافع عن حق المظلومين .. تطيب قلب مسكين

إنك تفك ضيقة المكروبين

وتراعي مشاعر الأخرين

الحب يعني اتنين بيساوي واحد

يعني عايشين في مركب واحد

حاسين بقلب واحد

عايشين بنفس واحد

ناقصين من بعض بس بيكملوا بعض

مختلفين عن بعض بس بيتفقوا مع بعض

الحب هو تفاهم وتضحية وتسامح

الحب كرامة و كبرياء وثقة ووفاء

الحب حاجات كتير مش بنعيشها إلا في الكتب والحكايات

الحب الحقيقي واللي خلقه ربنا فينا بالفطرة مش هو اللي موجود في المجتمعات

اللي بيحبك بجد هتلاقيه ماسك فيك رغم الظروف الصعبة والمحن والابتلاءات

واللي يهرب ويسيبك في شدتك أكيد كان بيعيشك في الوهم والخيالات