الحسين..شعر / اميرة عبدالهادي

نادي ادب الأقصر

الحسين والسيدة الطاهرة 
وسيدنا الحسين 
أنا إلي قلت 
ريحة الجمال ديه فين
قالوا هنا كان عندنا 
ماتبص شوف ياجدع 
ده النور صفين
ماتصلوا بينا عن النبى 
وتحية ع الحاضرين
علمنى جدى الصبر 
لو خفت آتوه فى البحر
أنده على يونس 
ده كل يوم سرداب
والخضر كان ع الباب 
ماقدرتش أقول 
ماقدرتش أبوح 
طلعنى نوح 
وركبت فى سفنته
ده قالي يا بنى هتندبح
قولت يابويا آمين
نزلى كبش من السما
واديكوا أهو شهدين 
ماتصلوا بينا ع النبى 
وتحية ع الحاضرين
ده جد صحبي الحسن 
وأنا جدي أصله الحسين
بقلمى /أميرة عبد الهادى