الحلم

بقلم رغداء صبيح
الحلم
لما جيتي في الحلم قلت القمر جاني
ياخاله كنت زي الام وفي حياتك بتعاني
عشتي سنين مريضه وفي ابتلاءك حزينه
شوفتك في حلم غريب انقاض وضباب
وجريت علي بيتك قولت يمكن القيك
هناك دخلت البيت لقيت ناس كتير والبيت من غير سقف وفي سحاب وناس بتخطف وبتجري وانا بدور عليك
وبجري ورا السراب عمر ما حلمي كان كداب
ناس ماسكه كتب بتنفضها من التراب
وصوت صرخه جوايا كفايه هنا كان بيعيش الاحباب
لفيت بعيني شمال يمين وفي عيني دمع حزين نفسي اقول لكل الموجودين ياريت تطلعوا بره
جت ست كبيره لبسه اسود شكلها حزينه
قالتي متعصبه ليه ياقلبي كلنا كده كده طالعين بره
البيت وقعت حيطانه ومسنود علي عمود مكسور الحقي واجري يا شابه قولت اجري اروح فين اسيب الاحباب لمين شوفت منظر من فوق دنيا بتجري ورا بعض الي ماسك سنجه والي ماسك سيف ولالي هدومه مرقعه ولي لسه بينفض التراب من علي هدومه فهمت وقتها ان دي رساله جايه ليه من حبيبه كانت غاليه عليه ان الدنيا اشعه والي يصدق انها جنه يبقي لسه مفهمش حاجه