الرئيس السيسي : الزيادة السكانية تحدٍ كبير ، و يجب علينا رفع الوعي لتحسين الواقع

د . هدى رأفت

أكد الرئيس عبد الفتاح السيسي خلال كلمته في الندوة التثقيفية التاسعة و العشرين ، أن الزيادة السكانية تحدٍ كبير أمام الدولة المصرية، وإذا ظللنا على هذا الوضع لن يكون هناك أمل أو تحسن للواقع، متسائلاً : "هل لدولة أن تقوم في ظل هذا التحدى؟ لما يكون عندك 22 مليون بيتعلموا.. هيتعلموا كويس؟ هيلاقوا شغل وأنت بتضخ في سوق العمل كل عام مليون؟ إزاي طيب؟!".

وأضاف سيادته ، خلال كلمة له بالندوة التثقيفية الـ29 للقوات المسلحة، أنه في كل حديث له مع الوزراء بالحكومة له مقدمة، متابعاً "المقدمة دي الهدف منها إني أقول لهم إني بشكل فهم عندي لكم، ومن حق الناس اللي شغالين معاكم في كل قطاع ووزارة إنهم يسمعوا الإسطوانة دي ، علشان نشكل وعي حقيقي بحجم التحدي اللي بنعيشه".

وأوضح الرئيس عبد الفتاح السيسي أن كل ما يقام بالدولة المصرية من إنجازات، سيهدر ويختفي بدون فهم و وعي المصريين، متابعاً : "كل اللي بيتعمل وزيادة 100 مرة لو مكنش في وعي وكتلة تخاف على بلدها في الجيش والشرطة وأجهزة الدولة والجامعات ولدى الرأي العام في مصر، أي حاجة تتبني ممكن تتهد".