الرضا

بقلم / ياسمين حافظ

ارضى بالمقسوم و سلم أمورك لعلام الغيوب

ده هو إللي بايده الحياة والموت

نصيبك مكتوب عند ربك محفوظ

اعمل إللي عليك واتكل على إللي خلق الكون

ارضى باللي أنت فيه .. حالك أحسن من ناس كتير

الدنيا اتخلقت في ست أيام .. وأنت شايل الهم ومش بتنام

اصبر و طول البال .. وان شاء الله تنول المنال

و تتحققلك كل الأحلام .. و تتفتحلك كل الاقفال

حياتك عند ربك شكلها مرسوم .. و دايما يبعتلك رسايل شكلها مفهوم

خليك واعي لحكمة ربك في الحياة .. اتنور و ابعد عن أي غيوم

وحتى في تأخير الفرح .. أحسن دايما الظنون

و دايما خليك راضي مهما كانت الظروف

خليك أقوى منها و اوعى تعيش مهزوم