" الضعـــــــــــــــــف "

ياسمين حافظ

الضعف عادة سيئة ولو فيك لازم تعملها إبادة

الضعف هيخلي حياتك دايما سادة

حلي حياتك دايما بالقوة والإرادة

خليك زي الطير حر ومحدش يقدر يجبرك على حاجة

تعيش في حياتك وتتعلم

وتكبر بعقلك و من ألمك في الحياة تتقدم

ومفيش حاجة توقفك مهما كانت ولا فيك تعلم

خليك صاحب شخصية عظيمة في قوتها و طبيعتها وجراءتها وكلها إفادة

خليك صاحب معروف وخير دايما للغير بس اوعى يستغلوها فيك عادة

ارمي دايما حمولك على الله و في عز ضيقتك وشكوتك الجأ دايما للعبادة

صحي فيك ضميرك و قول كلمة الحق ماتكتمهاش واوعى تتنازل في يوم عن حقك و ماتستغناش 
 وبكدة حقيقي هتكون في حياتك صاحب السعادة