بحبك...بفلم ياسمين حافظ

في عينيكي شوفت أجمل أحلام

من نظرة عين بقيت فيكي عشقان

وأنا قلبي فيكي دايب دوابان

بحبك وأنا فيكي عاشق ولهان

ارحمي ياحبيبتي قلبي الغلبان

يااللي جمالك عجب مايتحكيش

يا اللي دلالك كله رقة وأناقة مايتنسيش

من غيرك أنا حيران ومش عارف أعيش

في عيونك شوفت طريق أخضر منور

و وشك قمر في تمامه بدر منور

وفي أصلك و تربيتك ماشوفتش قالوها صحيح دايما ع الأصل دور

وفي عقلك وتفكيرك أنا بقيت إنسان متنور

يا بنت الناس أنا بحبك وغرقان في حبك وبعلنها ادامك وبطلب منك إني أكون دايما بقربك

قلبي وعقلي راضيين عليكي موافقين خلاص على حبي ليكي

وجايين انهاردة يطلبوا منك ايديكي و يقولولك إني هشاركك في كل حاجة ليكي

هكون جنبك وروحي فيكي و أعيش طول العمر أحبك و أتمنى حبك و مش خسارة فيكي

تسمحيلي تكوني شريكتي في الحياة وأكون شريكك

تسمحيلي تكوني ملكي و بين إيديا وأكون ملكك وبين ايديكي

تسمحيلي ابص ليكي كتير وأغرق براحتي في جمال عينيكي

يا حبيبتي اسمحيلي من دلوقتي أحبك صدقيني هصون قلبك وعمري ما هجي في يوم عليكي