بقلم العقيد الشاعر محمدهيكل....بغيروا منك....

بغيروا منك
عشان بانـيـلك ف قلبي قصر
فاكريني يعني
بحب واحـده وانا حبي مصر
.
إدينـي إيـــدك أبـوس عليهــا
إدينـي قلبك و الروح خديهـا
ياكل حاجــــه أنا كلي ليهــا
 وأغلى حاجـــه ف أي عصر

*********************
.
إسألوا الضيف اللي شاف منها الكرم
وسحر ليلهـا وحضن نيلهــا و الهـرم
إسألــــوا المتغربين
عن وجعهم والحنين
إسألـــوا كل اللي من بلــده اتحــــرم
إدينـي إيـــدك أبـوس عليهــا
إدينـي قلبك و الروح خديهـا
ياكل حاجــــه أنا كلي ليهــا
وأغلى حاجـــه ف أي عصر
.
*********************
.
يســــوى إيــه القلـب لـو مـش حَبهــا
تســــوي إيــه العيشــــه بره حضنهـا
إسألوا نبض الوريـد
إسألـوا دم الشهيــــد
قــد إيـــه الجنـــــــه حلـــوه لجلهـــا
إدينـي إيـــدك أبـوس عليهــا
إدينـي قلبك و الروح خديهـا
ياكل حاجــــه أنا كلي ليهــا
وأغلى حاجـــه ف أي عصر