بقلم ياسمين حافظ.."الرجولة"

الرجولة مش كلمة اتقالت على اللسان منطوقة

ولا شكل حلو في الصورة مرسومة

ولا قوة عضلات منفوخة

و لا بحر من شتايم منبوذة

و لا معناها إنك من جنس الذكورة

ولا إنك تذل في واحدة وتخليها دايما مكسورة

الرجولة بصحيح هى شكل لراجل عفيف

لراجل يخاف ربه شريف

لراجل حنين وقوي بفكره وعقله الرزين

الرجولة جدعنة في المواقف الصعبة الشديدة

الرجولة هى مصدر الأمان والحب و اللمة السعيدة

الرجولة في وقت الأحزان تطبطب وتواسيها

وفي وقت الآلام تزيل عنها وتخاف عليها

دي حوا اتخلقت من ضلعك و لازم تكون مسئول عنها و تحتويها

من أي شر تدافع عنها وتقف جنبها وتحميها

وتحسسها إنك راجل معاها مش راجل عليها

وتكون ضهر دايما وسند ليها

الرجولة دلوقتي بيقولوا عنها معدومة

بيقولوا ماتت في الحروب مقتولة

فوقوا اصحوا يارجالة من غفلتكوا ورجعوا تاني المعنى الحقيقي للرجولة واوعوا تخلوا أي ست معاكوا مقهورة مكسورة