بقلم ياسمين حافظ..تأقلم

تأقلم مع الوضع وقول عادي هعيش

تأقلم مع كل الأذى حواليك وقول عادي مايهمنيش

تأقلم ومهما حصلك قول عادي مفيش

أصلها بسيطة وعادي هكمل وهعيش

تأقلم بس خليك عارف إنك هتتغير لا إرادي

وخليك عارف ان عمرك ماهتبقى راضي

تأقلم دي كلمة قالوها غلط كضحك على الدقون

دي كلمة قالوها غلط كتزويد هموم

تأقلم مع مين الظالم ولا المظلوم

تأقلم عشان الضغط يعلى ولا أعيش مقهور

تأقلم ده إحساس ملعون

كل إحساس حقيقي منك فيها مكتوم

وهتكون فيها دايما إنسان منافق بتلف وتدور

لكن الصح إنك تعيش نفسك في عالم من نور

وابعد عن أي أحاسيس كدابة وتكون متأقلم مقهور

واوعى في مرة تعيش في حياة مغصوب

وتتنازل عن حقيقتك وتسدها بألف سور

عيش بطبيعتك بحرية بمشاعرك العفوية وبقوة وعقل وحكمة ان شاء الله هتخرج من معركتك في الحياة منصور