العمر اهو عدا وانا واقف
محلك سر
قلت زمان ف اشعاري بافكاري
هجيبلك ورده وابنيلك بايدي السور
واخطفلك نجمايه تنور لك نور
وبنيت بدل البيت لعيونك ياما قصور
وقلت زمان اهي نجمه وضلايه وبعض زهور
وهجيب لك توب الفرح الوان
منا انسان ومن حقي ف يوم احلم
وانا لسه سارح ف احلامي
وفاكر دنيتى ضحكت
وفجأه الاقي العمر يروح
وصوت مبحوح
لا انا قادر على ضحكه
ولا برجلي ادوس سكه
ولا اجيبلك نجمايه
ولا قدرت ابنيلك بيت
انا اتهديت
ياريت تقدري تسامحي
وتنسي وعود مكملتشي
واوعي تقولي انى انا خاين
وبيعت الود
كان نفسي اجيبلك ورد
لكن ايامي سرقتني
ولا ف حبك انا اتهنيت
ولا حتى بنيت لك بيت
ولا عرفت اجيب نجمه
ولا اغزلك توب الفرح الوان
دنيا غابه ما ليها امان
وانسيلي اني كسرت الفرحه ف عيونك
وسامحيني
نبيل ابو رامي الاسواني
إضافة تعليق جديد