سماح..بقلم ياسمين حافظ

سماح يادنيا وخلاص مفيش في قلبي ليكي أي جراح

سماح بنية صافية وقلب طيب مرتاح

ومهما عملتي فيا و أيا كانت ملامحك أنا راضي يكفيني انام كده بضمير مرتاح

مبقاش يهمني هتكوني معايا ولا هتبعدي

خلاص أنا كل اللي يهمني أكون راضي ربنا و في طريق الصلاح

وبكده يكون معايا المفتاح اللي اقدر به أوصل للفلاح

يكفيني إني أكون راضي ونايم كده بضمير مرتاح

خلاص يادنيا المرة دي سماح وكل مرة مهما عملتي مبقاش في قلبي مكان غير للرضا والسماح

أصلهم قالولي ابعد عن الدنيا واشتري نفسك تشتريك

ولو زعلت منها وبعت نفسك عشانها في يوم وبكيت هتبعيك وترميك

فأنا قولت بقى اسامح واهوه مفيش أحلى من السماح

و أكيد هو ده الوصول للنجاح

بس صدقيني أنا فعلا مسامحك ومبقاش في قلبي ليكي غير الرضا والسماح